जे जे गलती नेहरू कईले उहे गलती करतानी, हम केहू से कम बानी का।
जे जे गलती नेहरू कईले उहे गलती करतानी,
लाखों गलती करके भी अप्पन बात पर अड़तानी,
जे जे गलती नेहरू कईले उहे गलती करतानी।
मनमोहन जब निजीकरण कईले देश ऊ बेचत रहलें,
हम सरकारी कंपनी बेचके देश के बचावतानी,
जे जे गलती नेहरू कईले उहे गलती करतानी।
चीन चढल बा छाती पर हमर दिमाग बा हाथी पर,
जीडीपी के माईनस करके ५ ट्रिलियन के बनाबतानी,
जे जे गलती नेहरू कईले उहे गलती करतानी।
बेरोजगारी आकाश लगल बा गरीब गुरबन के बाट लगल बा,
पेट्रोल डीजल के दाम बढा के महंगाई हम घटाबतानी,
जे जे गलती नेहरू कईले उहे गलती करतानी।
देश दुनिया के चिंता नईखे महंग कपडा पेन्हतानी,
करनी ले साफे अल्लग दिनभर भाषण पेलतानी,
जे जे गलती नेहरू कईले उहे गलती करतानी।
धरम के अफीम चटाके प्रदेश चुनाव जीततानी,
रेल के टिकस बढाके जेबी से पैसा खींचतानी,
जे जे गलती नेहरू कईले उहे गलती करतानी।
दोसर केकरो बात न सुनब अप्पन बात सुनाबतानी,
कईसे जईबअ कईसे जीबअ तू जानअ लौकडाऊन लगाबतानी,
जे जे गलती नेहरू कईले उहे गलती करतानी।
नेहरू के हम नाम मेटाईब नया नेहरू हम कहाईब,
हर चीज हमरा नाम पे होई भले देश के जनता रोई,
अल्पसंख्यक फंड बढाके तुष्टीकरण मेटाबतानी,
जे जे गलती नेहरू कईले उहे गलती करतानी,
लाखों गलती करके भी अप्पन बात पर अड़तानी,
जे जे गलती नेहरू कईले उहे गलती करतानी।
कोई टिप्पणी नहीं:
एक टिप्पणी भेजें